佢話只係好簡單咁簽個紙,然後一家人去食飯,因為唔想煩到大家喎。而男方自爆求婚過程好困難,話自己喺飛機上邊打電話同喺地面嘅女友求婚,傾咗足足90分鐘,佢笑言話:「係一個超貴嘅求婚電話。」

原來佢哋日前已經飛咗去外地度蜜月同享受白色聖誕,相當浪漫,前日佢喺facebook貼咗一張同老公滑雪嘅相,留言話:「Happy Boxing Day!」

57歲嘅香港電視主席王維基同49歲香港總商會總裁女友袁莎妮,今年10月入紙申請註冊結婚,今個月11號袁莎妮同王維基一齊出席香港總商會聖誕party時,袁莎妮好開心咁透露已經同王維基簽咗紙,叫大家以後可以叫佢王太,但就唔肯講係邊一日結婚。

日前王維基陪太太出席香港總商會員工晚宴。
當晚王維基兩公婆不停同員工合照。
據《蘋果》了解,王維基同太太去咗日本度蜜月同滑雪,聽講王維基結婚之後成個唔同晒,冇以前咁工作狂,之前佢就算放假都照返公司做嘢,搏晒命唔肯休息,但自從結婚之後,佢會放假陪老婆。

袁莎妮上個月5號49歲生日,佢喺facebook貼咗一張估計用成百枝粉紅玫瑰花砌成嘅心心相,留言話:「Celebrating my 49th birthday」聽講啲玫瑰花係王維基所送,估唔到王維基份人咁浪漫呢!

呢個玫瑰花心心原來係王維基送畀袁莎妮嘅生日禮物。

(apple daily)