上年10月公開戀情,兩人一直關係穩定。今日,有指佢哋已喺12月15日登記結婚,淨係邀請親友見證,仲有傳兩人近日去埋摩洛哥度蜜月添!

34歲台灣女星許瑋甯同台灣型男阮經天拍拖8年,有傳男方拍拖8年四度劈腿,雖然雙方均否認,但最終許瑋甯喺2015年堅持分手。

兩人分手後,許瑋甯上年10月認戀星二代男模、攝影師劉又年,兩人一直關係穩定。

今日,有指許瑋甯同男友已喺12月15日於台北市內湖區戶政事務所登記結婚,淨係邀請親友見證,仲有傳兩人近日去埋摩洛哥度蜜月添!

有網友就估許瑋甯疑似閃婚,唔通有咗BB?

雖然兩人冇開腔回應秘婚傳聞,但許瑋甯昨日就喺IG晒出聖誕老人相,並留言:「我的。聖誕禮物。快樂包。摩洛哥我來了!」

另外,佢深夜仲上載一段同親友準備聖誕大餐嘅片,片中佢哋忙到唔停手,不過睇得出心情好靚!

(on.cc)