藝人梁靖琪(Toby)出席醫學美容活動,剛與男友Jon從柬埔寨探訪返港的她一臉倦容,透露於當地逗留一星期,除了為居民油漆,還與小朋友互動。

面對一名僅小女孩被迫「賣初夜」,令她大感難受,她謂:「啲媽咪見係女仔出世就會好開心,因為可以賣出去,其中一個14歲女仔畀媽咪賣畀人,佢喺酒店陪同一個客人3日,出嚟之後因為已經冇價值,結果賣畀妓寨之前,個女仔向慈善機構求助,但等待嗰22日,一共被迫接客198次,即係每日畀9個唔同嘅人強姦,真係聽到我毛管戙。」說罷Toby更心痛得眼紅紅。

Toby坦言看見一眾女孩受如此遭遇,即致電母親及家姐,建議稍後帶同姨甥女一起到當地體驗,問到會否再去?她謂:「會,都想一年去一次。」
(on.cc)