30歲嘅何廣沛(Matthew)出道短短六年已成功上位,最近在無綫新劇《跳躍生命線》飾演性格衝動嘅傑仔,演技獲讚賞,被喻為新一代上位小鮮肉。
但原來何廣沛嘅家人一開始並唔贊成阿仔加入娛樂圈。

何廣沛日前接受商台《1圈圈 星光背後》訪問,透露喺美國完成會計學士學位後,就返咗香港投考藝員訓練班。當時Matthew與家人訂立五年限期,承諾如果五年之後事業冇起色,就會轉行︰「記得訓練班嘅第一天,要拍一條短片,被問及五年內有乜目標,我回答話希望在五年內觀眾能叫出我嘅名字就滿足;第二個問題係有關十年後,我話希望能做男主角,有自己嘅代表作。」
何廣沛話唔能夠空口講白話,所以拍完嗰條影片之後,佢就決定發力去達成自己嘅目標。而相比起其他同期同學,Matthew坦言較幸運,受到唔少前輩如鄭丹瑞及吳啟華賞識,機會十分難能可貴,佢話﹕「我明白機會唔係必然,我得到好多機會,但每次我都會努力捉緊,用好多苦功去鑽研演技,因為我明白,機會係留俾有準備嘅人。」

(Apple daily)